بقلم ا.علياء شاهين
شايفين البطلة اللي في الصورة دي؟!
دى بطلة مصرية اسمها أماني محمد من منيا القمح بمحافظة الشرقية.
أثناء تواجدها بالشارع لقت تجمع لناس كتير سألت في إيه قالولها:
عربية وقعت في الميه وجواها سيدتين و ٤ أطفال، فجربت بسرعة بحثت عن حديدة ونطت في المياه في أقل من دقيقة وسط استغراب من كل الموجودين.
ووصلت لحد العربية وكسرت الزجاج الخارجي للعربية وبدأت تسحب الناس لبرا العربية. وبدأت فورا باستخراجهم على البر وبدأت بالإسعافات الأولية ليهم نظرا لخبرتها بمجال التمريض، ونظرا لتعرض الأطفال لضيق في التنفس بسبب استنشاق كميات كبيرة من المياه.
وجريت بيهم على المستشفى لاستكمال الاسعافات.
وقدرت بفضل الله أن تنقذ جميع من كانوا بداخل السيارة.
البطلة رقيب أماني محمد تعمل بمجال التمريض بالقوات المسلحة.
الشهامة ليست حكرا على الرجال ياما في نماذج لسيدات شجعان كتير بس مبنسمعش عنهم على السوشيال الميديا إلا كل فين وفين.
هذه السيدة فخر لكل النساء وللمجتمع المصري ككل وتستحق أن تكرم وأن ترفع فوق الرؤوس.
#عظيمات_مصر🇪🇬
