حين يتعب القلب من كثرة الجراح
بقلم: أبو يوسف محمد مجاهد
يا اللي فاكرينّي زي زمان،
بأفعالكم لسه بتأثرش..
أنتم اللي غيّرتوا القلب الطيب
اللي كان أبيض وما يعرفش الكره.
بسبب أفعالكم القاسية،
بقى ساكت… ما بقاش ينطق،
دايمًا مشحون، قلقان،
وخايف من كل الناس.
بقى تايه،
ما بقاش يعرف يفرّق
بين المخلص،
وبين اللي بيظهر الإخلاص وهو بعيد عنه.
ومن كتر القسوة،
بقت جروحه لا بتخف،
ولا عرفت يوم إنها تطيب.
ومعدش في القلب مكان
يستحمل جرحًا جديدًا.
أنا زمان كنت ساكت،
وبتحمل، وما كنتش ببيّن.
مش ضعفًا..
لكن علشان محدش منكم
يتجرح من كلامي،
أو يزعل مني.
ويعلم الله قد إيه
تعبت من السكوت،
لكن كان سكاتي
لأني كنت بحبكم.
وكل يوم كنت بقول:
يمكن تتغيروا،
يمكن الأيام تبدّل طباعكم.
لكن طلع أملي وهم،
وطلع مفيش فايدة.
وأهو بسأل نفسي:
إيه اللي جالي من حبي ليكم؟
غير كلام قاسي،
ومواقف موجعة،
وحاجات في حقي
عيب حتى إنها تتقال.
فيا اللي كسرتوا قلبي..
كفاية، بالله عليكم.
قلبي تعب،
ومبقاش فيه قدرة
يستحمل وجعًا جديدًا.
وكفاية اللي شفته منكم،
وكفاية جرح القلب
اللي لحد النهارده
لسه ما طابش.
أبو يوسف محمد مجاهد
