يا أرهابي
بقلم الشاعرة: سحر طه سعيد
يا أرهابي أنت مين ؟
وعايز أية من الكون؟
أنت وحش متخفي في توب أنسان
أنت الحاقد الخائن من جنس البني أدمين
أنت اللاهي عن ذكر الله والموحدين
أنت المتخفي في رداء المسلمين
أنت كاره نفسك حتى رجال الدين
أنت الجاهل متعرفش أصول الدين
أنت بيحركوك شويه جهله منحرفين
بيخلوك تحرق بلاد وتدمن هيروين
بيلعبوا بفكرك شويه خونه حاقدين
أنتم أبناء ادم وبالجهل جعلكوا متشردين
دمروا عقولكم شويه مرضى نفسيين
خلوكوا تخربوا بيوت في بلاد المسلمين
قتلتوا أطفال ملهمش ذنب صغيرين
أقنعوكوا تقتلوا شباب زي الورد مثقفين
موتوا قلوبكم مابتحسوش بالمحتاجين
رسموا مخططكم وانتوا زي المجانين
نفذتوا المطلوب وعليهم طفلين مقتولين
مات ضميركم وأصبحتوا من الجنه محرومين
دمرتوا بيوت الناس الشقيانه المجروحين
من غدر الزمن في شغلهم مطحونين
وأنتوا تقتلوا وتنهبوا رزق الشقيانين
تقتلوا ضابط أو مسؤول مقابل قرشين
محتارين فيكم جنسكم أيه أنتم مين ؟!
أنتوا الأرهاب وداعش أنتوا متخلفين
مش هتلعبوا بعقولنا يا أعداء النجاح والدين.
