سهام ميلاد تكتب “إن كنت ناسى أفكرك”
أوعى تفكر تقرب لمصر وأنا موجود
همحى أسمك وأمحيك من الوجود
أوعى بس تفكر تمس أرضها
هخليك تبقى عبرة للدنيا كلها
وان كنت ناسى إحنا نبقى مين
بكل فخر إحنا المصريين
وإن كنت ناسى عملوا أيه المصريين
إفتكر أكتوبر ثلاثة وسبعين
إحنا ولاد مصر إسمنا الوحوش
إحنا جيش بلادنا أقوى الجيوش
وأوعى تنسى إن مصر محروسة ويحميها بركة الرسل والأنبياء
وتشهد على بركتها أرض سيناء
وعلى أرض سيناء كان أعظم فداء
ذهب إليها سيدنا إبراهيم ليقدم إبنه ذبيحة و ماخفش
ولأنه أثبت طاعته و محبته لإلهه فداه الله بكبش
وعلى جبل الطور أيضا فى سيناء إستلم سيدنا موسى الوصايا
وأخذ شعبه ومشى بيهم وشق البحر بعصايا
ولما أحب أن ينقذ الله المسيح ليكون فى سلام.
أختار الله له أرض مصر ليحتمى بها وأعطاها المسيح البركة و السلام
مبارك شعبى مصر وعلى مصر السلام
وستظل ديما مصر بلد الأمن والسلام
وستبقى مصر أم الدنيا حقيقة مش كلام
تحيا مصر تحيا مصر. تحيا مصر
مصر أم الدنيا بلد الأمن والأمان
مصر بلد المحبة والسلام.
