- ياريت اللى عاملين نفسهم بتوع سياسة وانهم فاهمين كل حاجة وان عندهم البديل اللى هينزلوا بيه انتخابات الرياسة 2024 م، يكونوا فاهمين اللى بيحصل فى العالم، وشايفين المشهد صح لان بصراحه انا حاسة ان الزمن واقف بيهم ،ومش واخدين بالهم ان مصر مش هتنفذ اللى هما عاوزينة
- ،ومش هنضحى بجندى واحد من ولادنا علشان حرب مش بتاعتنا
- الريس لما قال:- ان ارادة اتخاذ القرار مكلفة ولها تمن، كان صادق وكان عارف هو بيقول ايه انتم اللى مش واخدين بالكم ان
- حتى السعودية وهى من اكبر الدول العربية، دولة صاحبة قرار ودة بفضل فكر وتدبير ولى العهد محمد بن سلمان فى طريقها لتغير مجري الاحداث بالمنطقة، من خلال اتفاقيات بين الجانب الايرانى والسعودية.
- دة غير المنافسة الشرسة بينهم وبين الامارات فيما يخص الاستثمار وايجاد بديل الاستثمار فى مجال البترول لانه مصدر غير دائم للدخل واى خبير يقدر يوضح ده افضل منى لانى ببساطة مش بفهم فى السياسة ولا فى السوق العالمية.
- انا واحدة من الناس ميهمنيش غير ان مصر تحتفظ بمكانتها بين الدول العربية
- ويهمنى كمان ان قرارنا يبقي نابع من ارادة حرة وان القرار يكون هدفة الوطن والمواطن
- معنديش مشكلة ان يكون فى مرشح واتنين ويارب اكتر المهم مين اللى هيترشح ؟ وهيقدم ايه اكتر من اللى بيتعمل ؟ مش هسبق الاحداث
![]()
![]()
![]()
- #مصر_اولا اؤيد الرئيس السيسي بالانتخابات القادمة بأذن الله.
