سهام ميلاد تكتب الدنيا فى عينيك

سهام ميلاد تكتب الدنيا فى عينيك

كل الناس عايشين فى الدنيا
لكن كل واحد شايف الدنيا بعنيه و من وجهة نظره
وطبعا الدنيا تختلف فى عيون الناس
فيه ناس شايفين الدنيا
مكلكعة و معقدة
و فيه ناس شايفنها
سهلة و بسيطة
و ناس شايفين الدنيا حلوة جميلة و كلها فرح و سعادة
و ناس تانية شايفين الدنيا
وحشة و كلها تعب و كآبة
كل واحد شايف الدنيا من و جهة نظره و حسب طبيعته
وصدقونى ممكن تكون لا الفلوس و لا المراكز ولا الصحة و لا المستوى الإجتماعى ولا حتى المستوى العلمى يفرق
لكن اللى يفرق بجد طبيعة الشخص و وجهة نظره و تفكيره
بمعنى إن ممكن يكون شخص غنى وعنده جاه و فلوس و مركز لكن هو شخص معقد مكلكع كل أموره يعقدها وكل حاجة عنده شايفها معقدة و صعبة معندوش بساطة للأمور و لا سهولة فى التعامل حتى تفكيره عقيم وغير متفتح
طبيعته كده معقد يبقى شايف الدنيا معقدة
بعكس إنسان تانى ممكن يكون بسيط مش غنى ولا يحتكم على فلوس و لا مركز لكنه عايشها ببساطة
و ديما مرح بشوش متفائل
مش معقد ولا كئيب
و كمان راضى بحياته طبيعته كده إنسان بسيط
ممكن يكون مش بسيط فى حاله أو مستواه الإجتماعى لكنه بسيط فى طبعه و طبيعته و روحه
و إنسان تانى يتمتع بخفة الدم و خفيف الروح و كل شئ
يقلبه لمرح و ضحك طبيعته كده شايف الدنيا
حلوة و كلها سعادة و يحب يعيشها بمرح و سعادة و ميحبش يعيش مرها و حزنها
عكس تماما إنسان كئيب
شايف الدنيا وحشة كئيبة
و بصراحة هو اللى كئيب
ومش بيشوف الحلو اللى فيها
ديما شايف نصف الكوب الفاضى
هو إنسان يحب ينوح و يعيش الدنيا بأحزنها ولا قادر يشوف حلوها ولا قادر يرضى بحاله ولا قادر
يفرح متمسك بالحزن والكآبة وعايش بيهم ومستمر و بيبقى شكله أكبر من عمره و أمراض الدنيا ملازمة جسده
أما الإنسان البسيط البشوش المتسامح المتفائل يبان شكله أصغر من عمره
أه ممكن الدنيا تبقى صعبة
و ممكن الدنيا تبقى وحشة
لو أنت متمسك بأحزنها و مش مبسط أمور حياتك فى الدنيا
لو شايف الدنيا وحشة هتتعب فيها و هتاخد منك كل حاجة حتى صحتك
خليك بسيط مرح متفائل
عشان تعرف تعيش فى الدنيا
والأهم خليك واثق فى ربنا إنه عنده حل لكل مشكلة
إضحك للدنيا
الدنيا تضحكلك