سهام ميلاد تكتب إحموا مصر يا مصريين

إحموا مصر يا مصريين من كل شر و من كل الغادريين
مصر ديما بلد الأمن و الأمان
على أرضها بتكون فى أمن و محبة و سلام
بتفتح بابها لكل من دق بابها وطالب الحماية و الأمان
مصر للمستقبل بتبنى أمجاد
فى زمن كله حروب و أحقاد
وبلاد بقت خراب و أنقاض
إحموا مصر يا مصريين و أوعوا تخلوها مطمع للحاقدين
فيه أعداء عينها على بلدكم
نفسها تستولى عليها وتخدها منكم
أياكم تدوها الفرصة و يتزعزع إيمانكم و حبكم ليها
خليكم ديما واثقين إن فى وحدتكم و حبكم قوة نحافظ عليها
وأياكم تضعفوا قصاد غلاء أسعار
بأديكم تسلموها للى عايزها تبقى خراب و دمار
مصر هى وطنك هى بيتك هى حمايتك
و ياريت تكونوا فهمتوا الدرس للى حصل فى بلاد تانيه
لما إتمردوا و ثاروا عل جيشهم و حكامهم
دمروا بلدهم و ملقيوش فيها مكان ليهم فى ثانية
و بكل غباء فاكرين إنهم حرروها
لكن فى الحقيقة بأديهم دمروها
وبقت للمتربصين سهلة المنال
بعد ما كانت القرب منها محال
كل بلد قوتها فى إتحاد جيشها و شعبها
إتزعزت بينهم العلاقة و إتخلى الجيش عن الشعب
بقت البلد فريسة و سهلة المنال للنفسه يحتلها
ماهو قاعد من زمان متربص لهذه اللحظة
ولما ضاع الأمان إتسرسب وعلى طبق من ذهب إيدتله الفرصة
ياريت ما نديش فرصة للمتربصين
اللى نفسهم يستولوا على مصر ويحققوا حلم السنين
حفظوا على مصر و إتمسكوا بوحدتكم و حبكم ليها
وأياكم تدوا للمتربصين فرصة يتسرسبوا ليها
و فى وسط مايحدث من حروب وبلاد تدمر و تنهار
شمس مصر ديما منورة بلدنا وعمر غيمة الشر ما يغلب نور النهار
مصر منورة بحب شعبها
و عمر غيمة الدمار ماتمس أرضها
وكل ده بأديكم يا مصريين
حفظوا على بلدكم
وإحموا مصر يا مصريين.