اللى القلوب خبته
بقلم: ابو يوسف محمد مجاهد
اللى القلوب خبته
الشده بينته
واتعرف من كل واحد
قصده ايه ونيته
الله يبارك ف شده
بجد وجعتني
لكن بكل أمانه
بينتلي وعرفتني
معدن كل واحد
وعلى ايه كانت عشرته
وقالتلى بصوت عالى
اصحا شوف مين
لسه غالى
مين لسه على وضعه
صاين للجميل
مين لسه من جيل الطيبين
محافظ عالعشره وأصيل
ومين اتخمينا فيه
واتخدعنا ف صحبته
مين كان بيدعى المحبه
وادحلب حبه حبه
لحد ما دابت قشرته
فبانت لبته
وطلع قليل الأصل
وخان العهد والوعد
ومش قد كلمته
ابو يوسف محمد مجاهد
