رحل عيد الأضحي وما زلنا نضحي
بقلم الشاعرة: سحر طه
الأضاحي بقت بنأدمين
حرام عليكم يا موحدين
علي اللي بيحصل في فلسطين
من شهور واحنا ساكتين
واقفين في صفوف المشاهدين
عايزين معركه ذي حطين
محتاجين حصن حصين
من القاده العربيين
نوحد صفوف المجاهدين
ونرجع حق الأقصي الحزين
الرجال في السجون
والشباب مقتولين
والأطفال بتموت جعانين
وشرف امهاتنا راح في الطين
يا عروبه أنت فين
الحق مفقود من سنين
مع شويه خونه مجرمين
أرض الاديان مسلوبه يا مؤمنين
كل الدول بتشاهد فلسطين
وهي بتصرخ من الأنين
حرام عليكم يا موحدين
الاطفال تموت جعانين
والأمهات تموت من الحزين
والاب راح مع المساجين
فوقوا بقي يا بنأدمين
هنضل أمتي ؟كده ساكتين
علي اللي بيحصل ف فلسطين
عايزين معركه ذي حطين
نرجع بها فلسطين
اتركوا دور المشاهدين
وكونوا في صفوف المقاتلين.