أنا صاحب الشهيد
كتبت الشاعرة: سحر طه سعيد
أنا عايزة أكتب والكل يقرأ الأشعار
عايزه أكتب قصيدة توصف الأبطال
عايزة أكتب عن جيش بلادي
الأحرار
عايزة أنادي بعلو صوتي علي اللي
غاب
و أكتب علي كل شهيد راح وترك
جواب
عايز أكتب علي منسي اللي راح في عمر الشباب
عايز أقول أني أخويه راح شهيد
وأن صاحب عمري حي في جنه الخلود
في بلدى بيتولد كل يوم طفل جديد
هيرفع علم بلاده ويمسك سلاحه من حديد
ويقف بطل علي الحدود
أنا صاحب الشهيد
كل يوم يمر علينا بيكون عيد
بوجودنا مع بعض والأيد في الأيد
نرسم حلمنا بكرة بالوعود
أن هيكون ابني مكاني علي الحدود
صاحبي ترك جواب وقت الوداع
ترك رساله لأولاده يكملوا المسيرة
بعد أستشهادة
قال لزوجته هتوحشيني
في الجنه منتظرك لما تجيني
ترك سلام وتحيه لأخوة
ووصه يكون سند لأبنه وأبوة
ودع أخته وقال لها ماتبكيشي
انا شهيد وطني وزينة جيشي
وصانا مصر نطور فيها ونوعدها
وقت ما تحتاجنا نكون خير جنودها
وصانا نحافظ علي مصر بلدنا
قال لنا المجد والنصر دايمآ بولادها
قالي يا صاحبي ما تتركنيش
أنا نفسي أعيش
لحد مايموت أخر عدو لبلادي
وصيتي ليك يا صاحبي
أنك توصل جوابي لكل أحبابي.
أنا صاحب الشهيد