سهام ميلاد تكتب كل سنة و كل المصريين طيبين
مسيحى مسلم إحنا المصريين
فى وطن واحد كلنا عايشين
و فى كل شئ إحنا مشتركين
و كل سنة و إحنا و مصر بلدنا طيبين
تجمعنا المحبة بالخير و ربنا يبعد عنا كل شر و الحاقدين
عايشين ديما بسلام و تحت راية مصر إحنا فى امان سالمين
عايشين من خيرها و شاربين من نيلها
و تحت سماها بمحبة متجمعين
عايشين فى ستر و سلام هنعوز تانى أيه
أحمد ربك يامصرى على اللى أنت عايش فيه
وخد عبرة من البلاد اللى إتدمرت بأيد شعبها لما إتذمر عليه
و شعبها بقى مش لاقى مكان تانى يلجأ ليه
مصر بلدك هى و طنك هى بيتك و أمنك و سلامك فيه
مصر وطن يعيش فينا
و ليس وطنا نعيش فيه
كل البلاد عينيها على بلدك
خلى بالك من بلدك وحافظ عليه
إحنا يا مصريين لو إتفرقنا
يبقى ضيعنا وطنا و مش هيبقى لينا مكان فيه
و صدقنى مش هنلاقى بلد تانى ممكن نلجأ ليه
خلينا ديما أيد واحدة وأمن و سلام بلدنا بأدينا نحاجى عليه
و نكيد العالم كله بوحدتنا
و نثبت لهم إن إحنا قادرين
نحافظ على مصر بلدنا
و محدش يقدر على المصريين
و مصر هتفضل ديما أم الدنيا طول ما إحنا متحدين
وكل سنة وكل المصرين و مصر فى أمان و سلام وديما بخير و كلنا طيبين.
Comments are closed.