سهام ميلاد تكتب ملاك للإنسانيه
دكتور مجدى يعقوب جراح ومداوى القلوب
فخر مصر فخر الإنسانية معروف لكل العالم إنسان محبوب
إنسان فيه كل معانى الحب والإنسانية
ميعرفش الطمع ولا الجشع ميعرفش الأنانيه
وبكل حب ومن غير أنانيه بيعطى علمه وخبراته لأولاده
ونفسه يكون علمه هو الميراث لكل الأجيال الجاية
لا يهمه مال ولا منصب بعيدة عن فكره كل الأمور ديه
كل اللى يهمه إزاى يخدم بلده ويخدم الإنسانية
واهب نفسه وعلمه لمسح دموع ألم كل البشرية
فهو شعار للحب و العطاء و الوفاء و الإخلاص يأتى له الناس متألمين يائسين يمنحهم الشفاء والأمل لأنه تلميذ المسيح البار ينقذهم من الألم والموت و يعطيهم الخلاص من الألم
و يخدم بنفسه الناس بكل تواضع و محبة و إخلاص
وعمره ماقال كفايه أنا حققت حلمى ووصلت خلاص للعالمية
لسه عنده أحلام كبيرة نفسه يوصلها لكل العالم و لكل الناس
بيحلم بمدينة تكون سفينة ينقذ فيها كل يائس غرقان
بيعملها فى مصر بلده أصله بيحبها وشايل ليها الجميل والعرفان
وإذا كانت مصر يميزها الأهرامات فأنت هرم رابع خالد على مر الزمان
خالد بعلمك و بأعمالك العظيمة اللى وهبتها بكل محبة لكل البشرية ولكل إنسان يحتاجك غنى أو غلبان
بجد شكرا يا أعظم إنسان شكرا لكل إنجاز بتعمله يفيد الإنسانية و الإنسان
بـ محبتك و بأخلاصك أنت لا يمكن تكون إنسان من هذا الزمان
أنت ملاك بعث من أجل الإنسانية
دكتور مجدى يعقوب
ملاك فى صورة إنسان
Comments are closed.