“سهام ميلاد” تكتب مصر وذكري أعظم نصر

“سهام ميلاد” تكتب مصر وذكري أعظم نصر

في يوم صحينا علي أجمل خبر سمعناه
قواتنا المسلحة عبرت القناة
سمعت زغاريد وفرحة غامرة والكل بيهتف الله أكبر بسم الله
كنت صغيرة ولقيت العالم كله إنبهر بهذا الخبر العظيم
لكن أنا مش فهماه
سألت والدي أيه اللي حصل ويعني أيه قواتنا المسلحة عبرت القناه
قالي والدي يعني إنتصارنا
يعنى إستردينا أرض بلدنا من الغزاه
اللي كانوا فاكرين إن إحنا عليهم مش هنقدر
كانوا عاملين نفسهم إنهم إسطورة الجيش الذى لا يقهر
هزمناهم في ستة ساعات وجيشنا بيهتف الله أكبر
الله أكبر فوق كل معتدى فاكر نفسه هيقدر وعلى أرضنا يعتدى
إحنا يابنتي عندنا جيش بيحب بلده وعلشانها يفديها بروحه و بدمه
واجهوا وحاربوا أعداءنا و حتي الموت مش همه
كل اللي يهمه يحرر أرض بلده من أعداء أوغاد
فاكرين نفسهم أسطورة هزمهم جيشنا وفهمهم درس إن مصر غير كل البلاد
مصر قوية عظيمة منذ القدم
يتوارث أمجادها من أقوي وأعظم ملوك أجداد
مصر ديما قوية بجيشها و شعبها
مصر ديما بتبني أمجاد
ده مش بس نصر يابنتي ده درس وفهمته كل الدنيا
إن مصر ديما قوية وعظيمة
وهتفضل ديما أم الدنيا
في كل زمن ومن زمان مصر أقوي وأعظم البلدان
و دى يا بنتى حكاية أعظم نصر وهنفضل نحكيها لأولادنا عل مر الزمان
تحيا مصر. تحيا مصر. تحيا مصر.