سهام ميلاد تكتب “التسامح”

 

مفيش إنسان على وجه الأرض مابيغلطش يعنى مفيش ملائكة على الأرض كلنا بنغلط المهم هنا أيه اللى بيحصل بعد مابتغلط فيه مثل سائد بيقول حبيبك يبلعلك الظلط وعدوك يتمنالك الغلط واخدين بالكم من كلمة عدوك نعم فيه ناس بالفعل بتتصيد الأخطاء عشان تعلق المشانق وتقعد تحاسبك على الجديد وكمان القديم

طب وهل ده صح وهل ده ينفع يحدث فى حياتنا الزوجية ويكون بين زوجين بينهم حب ومودة وعشرة

الحياة الزوجية مش حرب أو مبارزة

ومين اللى يكسب فى الآخر

الحياة الزوجية  حب وتفاهم وتسامح

لو مش بتعرف تحب بلاش تتجوز

لو مش بتعرف التفاهم بلاش تتجوز

لو مش بتعرف تسامح بلاش تتجوز

وإنك تفضل واقف على الواحدة لشريك أو لشريكة حياتك وتتصيدله الأخطاء ده طبعا غير مستحب بين الزوجين لأن حياتكم ستكون بالفعل حرب مستمرة ليس لها نهاية

لازم  يكون بينا تفاهم وتسامح

زى ما اتفاقنا مفيش حد ملاك خالى من الغلط والخطأ المهم نكون بنعرف نسامح دا ربنا بيسامح يبقى انت ياإنسان متعرفش تسامح لازم تعرف تسامح عشان تعرف تعيش بلا مشاكل.

ولا أنت بتحب المشاكل بتحب تنكد على نفسك وعلى كل اللى حواليك

ومفيش أيضا حياة بلا مشاكل بلا إختلاف فى الرأى المهم نتفهم الموقف

لو فيه أحد من الزوجين متعصب ومشدود عصبيا على الطرف التانى يلتزم الصمت والهدوء وإمتصاص عصبية الطرف الآخر حتى يهدئ.

سهام ميلاد تكتب ” التسامح”

وبعد  ذالك نوضح سوء الفهم بهدوء

لكن لو طرف متعصب ومتنرفز وبيزعق بصوت عالى ويجى الطرف الآخر يرد عليه بنفس العصبية ويرد كل كلمة بعشرة كده بقى بتولع الدنيا وتبقى حرب وعيند و زعيق وتخبيط بالألفاظ وتخبيط فى كل شئ.

وتنتهى ديما هذه المشاجرات بالخسارة للطرفين لأنكم بتخسروا علاقتكم ببعض بتخسروا إحترامكم لبعض بتخسروا صحتكم جسديا ونفسيا بتخسروا تركيزكم وأيضا بتخسروا أولادكم لأنهم بيكتسبوا منكم العصبية والعناد ويصبحون غير سويين الطباع فأنتم بعصبيتكم وعنادكم وشجاركم الدائم جنيتم على أنفسكم وعلى أولادكم وعلى استمرار حياتكم الزوجية وأصبح بيت الزوجية ميدان حرب وكل طرف منكم خصم للآخر.

 

فهل هذه هى الحياة الزوجية التى كل شاب وفتاة يحلم بها وكل هذا لماذا

لأننا لانعرف التفاهم ولاندرك قيمة التفاهم و لا نعرف التسامح ولاندرك قيمة التسامح  

التفاهم والتسامح يعنى العقل والهدوء

والعقل والهدوء يعنى حياة زوجية هادئة مستقرة أساسها الإحترام أولا

والحب والعطاء والتقدير و الرحمة

فاالتسامح سمة من سمات الله

والمتسامحين  من الله قريبين.

لمتابعة احداث مقالات جريدة نبراس السلام نيوز من هنا