سهام ميلاد تكتب مسيحى مسلم إحنا المصريين
مسلمين مسيحين إحنا المصريين
وكل سنة وإحنا و مصر بلدنا ديما طيبين
تجمعنا أخوة و محبة و فى حضن مصر كلنا عايشين
نشارك بعض فى أعيادنا و أزامتنا دا أحنا فى وطن واحد مشتركين
وفى الشدة والمحن نبقى أيد واحدة ونقف فى وش اللى عايزنا نبقى منقسمين
وفى الكنأئس وفى الجوامع نصلى لمصر بلدنا يحميها ربنا من الإرهاب و المعتدين
إحنا شعب مصر المبارك علماء أدباء و مخترعين
يشهد العالم كله بقوة إرادتنا وعارفين مين هما يبقوا المصريين
مصر ليست وطنا نعيش فيه بل وطنا يعيش فينا
وطنا مياه نيلها وخيرها يجرى فى عروق دمنا وسماها تحمينا
وعلى أرضها ننعم بالأمان والسلام وكل شبر فيها محمى بدم شهداءها فى الأصل هما أهلينا
أهلينا اللى إستردوا كل شبر فيها بدمهم عشان تبقى مصر حرة لينا
الدم اللى حرر مصر دم المصرين مش مفرق بين مسيحيين و مسلمين
مصر ديما فى أمان وسلام بفضل محبة شعبها المسيحيين والمسلمين
لأن من الآخر مسيحى مسلم إحنا المصريين
وهنفضل ديما فى حضن مصر بلدنا متجمعين بمحبة رب العالمين
و هتفضل ديما مصر قوية بينا وهنخليها أد الدنيا طول ما احنا أيد واحدة نحميها بأرواحنا إحنا المصريين
وكل سنة وإحنا ومصر بلدنا ديما طيبين
مسيحى مسلم إحنا المصريين.
