سهام ميلاد تكتب أنت في الحياة غالب يا مغلوب

سهام ميلاد تكتب أنت في الحياة غالب يا مغلوب

الطموح ملوش سقف ومالوش سن
كل واحد عنده حلم نفسه يحققه
وعشان تحقق حلمك وتوصل لهدفك
لازم تكون إنسان طموح
وعشان تكون طموح لازم يكون عندك عزيمة و إرادة وأمل متفائل ديما
أوعى تيأس أبعد عن فكرك كلمة فشل
متخليش حد يكسر عزيمتك ولا يحبط طموحك ولهفتك للوصول لهدفك
وماتديش للفشل فرصة يقرب من طموحك وخليك واثق فى ربنا أولا
إن ربنا مابيضيعش تعبك ومجهودك
وديما خلى أيد ربنا فى كل عمل بتعمله قبل أيدك
وتطلب منه يكون جنبك ويقويك
ويمنحك الإرادة وحسن التفكير
وتبدأ عملك بجملة
( بأيدك يارب مش بأيدى )
بجد وعن تجربة هيكون عمل عظيم
طول ماأنت مع ربنا ربنا هيكون معاك
ومعاه هتنجح وتوصل لهدفك
خليك ديما واثق فى ربنا و واثق في نفسك
ولو فشلت ده مش إسمه فشل
دى محاولة غير موفقة
وهتحاول تانى وثالث وعاشر إنشالله لآخر لحظة فى حياتك أيوة لآخر لحظة لأن الطموح مالوش سن لازم تحقق حلمك وتوصل لهدفك حتى لو حياتك خلصت على المحاولات وحققت حلمك في آخر لحظة فى حياتك يكفيك فخر إنك حاولت إنك قاومت إنك عافرت إنك إتحديت
بس وبكل فخر وصلت وصلت أمته ده مش مهم المهم إنك وصلت
وحققت حلمك أفتخر إنك مغامر الحياةارحلة كلنا تعبانين فيها
لكن الشاطر اللى يحول الرحلة الشاقة
لمغامرة شيقة يستمتع بأوقاتها حتى لو صعبة هتمر كله هيمر ويعدى
المهم وصلت لأيه فى آخر الرحلة
خلى عندك طموح علشان توصل لهدفك
حاول عافر غامر أوعى تسمع للى يقولك صعبة مش هتقدر
أنت هتقدر طول ما بتحاول وتفكر
أوعى تيأس حتى لو العمر بيجرى
بطموحك وحلمك خليك أنت أسرع
صدقنى طول مابتجرى ورا حلمك عمرك ماهتكبر ولا هتحس بسنك
ديما هتحس إنك مغامر طموح
والحياة دى رحلة يدوب
وأنت فيها يا غالب يا مغلوب.سهام ميلاد تكتب أنت فى الحياة غالب يا مغلوب