نعم الله
بقلم: أحمد مختار
عبدالحليم حافظ بيغنى “افرح و أملا الدنيا أمانى لا أنا ولا انت هنعشق تانى”. افرح فأنت فى حضرة نعم ربنا الكثيرة.
النعم فى كل مكان حوالينا. فى كل مكان فينا فى كل لحظة بنعيشها، فى كل يوم بنبدأه فى كل خطوة بنمشيها فى كل حاجة حلوة تقابلنا.
و ناس أحلى نقابلهم من أول طلة لهلال مرسوم بخيوط الفاضة فى سما بعيدة من غزل عناقيد النور الملفوفة حوالين مأذن مساجدنا فى دخلة الأشهر الحرم مصر
جميلة يا ااااااااااا ناس شوف مصر بقلبك و إجعل أيامك سعيدة. والله ما فيه حد بيوسعها على غيره إلا وربنا بيوسعها عليه أضعاف..
عشان كده مع الوقت هتكتشف عبقرية دعوة “ربنا يوسع عليك”.. الوسع حلو.. وسع القلب هيخلّيك ماتشيلش فيه غير المحبة..
وسع العين هيخلّيك تشوف الحلو حتى لو بعيد..وسع الدماغ هيخلّيك تتجاوز وماتقفش كتير عند اللي مايستحقوش..
وسع الفكر هيخلّي زوايا تفكيرك ماتبقاش في مناطق ضيقة..وسع الروح هيخليك ماتشيلش عماّل على بطاّل..
ربنا يوسعها علينا، ويجعلنا سبب في التوسيع على غيرنا، ويسخرلنا اللي يوسعها علينا.
! ! ! و الله الموفق و المستعان أحمد مختار.
