ولنــــــا كلمــــــة..! اكتـــوبر لازم يكـــون
كلمات: حبيب جاد الرب
سمعت صوت رصاص من بندقية ميرى
قلبى انقبض والدم جرى فى وريدى
ابنى على الجبهة ده هو وليدى
بس اجمد يابنى وهاتلى درعى اللى اتخلع من ايدى
فاكر يونية فى
67 لما جاتلك ودراعى فى ايدى
زاد الصوت وسمعت مدفع ورشاش
فرح قلبى من مش من الصوت …دا من الاحساس
الدمعة جريت من عينى على الخد اللى انداس
من الحسرة والكسرة من الهزيمة يا ناس
اضرب بايد قوية ولا تخاف هماس
دا انت ابنى وليك فى الحرب تار من ناس
داسوا على تراب بالقدم ومفيش احساس
ان دى ارضى وارض جدودى
وافديها بدمى وروحى بها ما تتقاس
رجع الحلم يا بنى وتعال قول
انا روح اكتوبر والنصر لازم يدوم
واحرر بلادى من كل غدار مزعوم
وخلى كل شبر فيها بحرية يدوم
واجيب وليدى فى ايدى من سينا للسلوم
يقول دى ارضى دى بلدى والخير فيها يدوم
اسمع يا بنى لصوتى وقالى حاضر يا ابويا هيكون
النصر لينا وبينا بالحب هيدوم
كلمات: حبيب جاد الرب
